Мен, Боранбай Толқын Боранбайқызы, Павлодар облысы Ертіс ауданы Амангелді ауылында дүниеге келдім. 2013 жылы Павлодар облысы Щербакты ауданы Хмельницкое ауылындағы орта мектепті бітірдім. 2017 жылы Павлодар қаласының Жоғары медициналық колледжін «Мейіргер ісі» мамандығы бойынша аяқтадым. 2020 жылы Павлодар қаласындағы Инновациялық Еуразия университетін «Биология» мамандығы бойынша тәмамдадым. 2021 жылы Семей медицина университетінің магистратурасын «Қоғамдық денсаулық сақтау» мамандығы бойынша бітірдім. 2017 жылғы 4 қыркүйектен 2020 жылғы 15 шілдеге дейін Павлодар қалалық №1 ауруханасында мейіргер болып жұмыс істедім. 2021 жылғы 4 қаңтардан 2021 жылғы 19 тамызға дейін Алматы қаласындағы «LS clinic» ЖШС- де мейіргер болып қызмет атқардым. 2021 жылғы 20 тамыздан 2021 жылғы 22 қарашаға дейін сол мекемеде статистик болып жұмыс істедім. 2024 жылғы 1 наурыздан 2024 жылғы 26 тамызға дейін Алматы қаласындағы «Эмили» Жоғары медициналық колледжінде оқытушы болып жұмыс істедім. 2024 жылғы 2 қыркүйектен бүгінгі күнге дейін әл-Фараби атындағы Қазақ ұлттық университетінің Денсаулық сақтау саясаты және ұйымы кафедрасында оқытушы болып қызмет етемін. Отбасылы, бір балам бар. Қазақ, орыс және ағылшын тілдерін менгергенмін.